قوانين مهمة للمنتدي

السلام عليكم و رحمة الله وبركاته



اعضائنا الكرام الاعزاء وعضواتنا الكريمات العزيزات




فرمان عام








( تعديل 1)


القانون الأول


اي موضوع بينزل في قعد الحكي المرتب


لازم يكون نازل ع النت لأول مرة و ازا نزل قبل هيك مرة وحدة في النت


حتى لو من تاليف العضو سيتم نقله على قسم المنقول و الملطوش


القانون الثاني


يا ريت الاعضاء اللي يدخلو القسم و حابين يشرفونا بردودهم


يحطو ردود حلوه متلهم ..


مش يردو بـ :


شكرررررررررررررررررررا


يسلمووووووووووووووووو


وما إلى ذلك


وقد وردتنا تعليمات من المخاتير انه هالردود تعت يسلمو و شكرا ً


احذفوها لانها بتشوه شكل الموضوع و ما بتفيد الموضوع ولاصاحبه ولا الاعضاء


لذلك يتوجب حذفها حفاظا ً على مكانة المقعد وشكله أمام زواره ومتصفحيه العالميين


القانون التالت


الموضوع المنسوب لغير صاحبه يتم حذفه مش نقله .. يعني


لو اجا واحد لاطش خاطرة و كاتب بالاخير


بقلمي


أو


من كتاباتي


وكان الموضوع نازل قبل هيك في النت


سيتم حذف الموضوع من المقعد


القانون الرابع

يرجى كتابة "منقول" في اخر الخاطرة المنقولة

من باب الأمانة في النقل ومن باب :

لا يؤمن أحدكم حتى يحب لأخيه ما يحب لنفسه



( نهاية تعديل 1 )





يمنع منعا ً باتا ً انه البني ادم اللي بده يحط موضوع


يحطه ويضل ساحب فيه


يعني يحط موضوع و كل ما يزيد يزيد فيه




ممنوع


لانه بهالطريقة بيضيع بين زحمة الردود و ما بيشوف ابداعات اعضائنا الافاضل


زوار مقعدنا الكريم


غير هيك لو كل واحد عمله زاوية يضل بس يحط مواضيعه فيها


مش راح ينزل موضوع جديد


وكل القسم بيصير زوايا و بيوت لما بدك تزور حد بتخش موضوعه


بتسلم عليه وبتدردش معه شوي و تشربلك كاسة شاي وتضل طالع


و النتيجة طبعا ً


القسم نايم


ابداع ناقص


مستوى هابط



لا جديد


لذلك ارجوووووووووووووووووووو


رجاء حار من مبدعينا الافاضل المساهمة في رفع مستوى الابداع


لتحقيق مستوى افضل للقسم و لانفسكم



الفرمان رقم عشرطعش


نفسي افهم اللي بيجيب موضوع عن المهلبية ليش بيحطو هان


يعني يا اخي الكريم قبل ما تقص وتلزق شوف وين بتلزق


و شوف من وين بتقص


يعني بجد مواضيع لا علاقة لها بالقسم تماما ً .. بتنحط هان


طب افهم ليش يعني بس اشرحولي


شو دخل التجارة مثلا ً بالشعر ؟؟



و اخيرا ً وليس اخرا ً



انصح رواد الحكي المرتب واللي بيحبو يكتبو انهم يطورو اسلوبهم


بالنظر لقسم الملاطيش ويلطشولنا كل ما لذ وطاب من جميل الكلام


لانه الانسان ما بيطور اسلوبه الا بالقراءة اكتر


و هاد هو حال مبدعينا العرب والناس الي بتفهم


كانو لا يملون القراءة ولهم مع الكتب اخبار و اساطير


تروى ليومنا هذا بفخر





اكتب اي شي ببالك .. احساسك اهم من اسلوبك


تعلم كيف توصل احساسك





ملاحظة بسيطة ..


القديم مش راح يتسكر لكن الجديد راح يتسكر و نعملو اللازم



بدي أسألكم سؤال و اعرف رأيكم



1- هل فعلا ً افراد قسم الخواطر منطوون على انفسهم


يعني بتلاقي العضو بيشارك في هالقسم بس ما بيطلع لغيرو كتير


الا نادرا ً .. هل هاد الشي شيء موجود ؟؟



2- وهل هو شيء ايجابي ؟؟



3- و ليش برأيكم هل لأنه بيخاف على مشاعره تقسى لما يختلط بالاقسام المادية ؟؟


ولا لانه بيخاف ينجرح باسلوب قاس من عضو عديم الاحساس خارج هالقسم ؟؟



4- وهل قسمنا ناسه حساسين زيادة و مشاعرهم رقيقة


و باقي الاقسام ملهمش ع اللون ولا كيف وشو القصة ؟؟؟



راسي حينفجر من كتر الاسئلة


عندي حكي كتير بس بديش اطول عليكم



و ديرو بالكو في العشرة الاواخر .. و ادعولي معاكم


احترامي

شكرا اكتير على موضوعك الرائع الدى لا متيله له ارجو ان تحياتى لكم ساهر

مشكور اخى على قنونك